އުމްރާއަށް ގޮސް އުޅުނު ދިވެއްސަކު ހާޓް އެޓޭކެއް ޖެހިގެން ނިޔާވެއްޖެ

އުމްރާއަށް ގޮސް އުޅުނު ދިވެހި ފިރިހެނަކު ހާޓް އެޓޭކެއް ޖެހިގެން ނިޔާވެއްޖެއެވެ.

ނިޔާވެފައިވަނީ، އަލްމަނާސިކް ޖަމާޢަތުގެ ޙަވާލުގައި ޢުމްރާއަށް ދިޔަ ޢުމުރުން 60 އަހަރުގެ ފިރިހެނެކެވެ.އަލް މަނާސިކް ގްރޫޕުން ބުނީ، އެހެން ދިވެހީންނާއެކު ސަޢުޔު ކުރުމުގެ ތެރޭގައި އުޅެނިކޮށް އޭނާ ވެއްޓިގެން ހޮސްޕިޓަލަށް ގެންދިޔަ ކަމަށެވެ. ހޮސްޕިޓަލާ ޙަވާލާދީ މަނާސިކް ގްރޫޕުން ބުނީ، އޭނާއަށް ހާޓް އެޓޭކެއް ޖެހިފައިވާ ކަމަށާއި، ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށެވެ.އެގްރޫޕުން ބުނީ، ރޭފަތިސް ނަމާދަށްފަހު އޭނާގެ ޖަނާޒާ ބާއްވާފައިވާ ކަމަށެވެ.ޢުމްރާގެ އަޅުކަން އަދާކުރުމަށް ސްކޫލު ބަންދާއި ދިމާކޮށް ގިނަ ބަޔަކު ޢާއިލާއާއެކު ދަތުރު ކުރަމުންދާއިރު، ޑިސެމްބަރު މަހުގެ ތެރޭގައި ރާއްޖެއިން 7000 އަށްވުރެ ގިނަ ދިވެހީން ވަނީ ޢުމްރާގެ އަޅުކަމަށް ގޮސްފައެވެ.