އުމްރާއަށް ގޮސް އުޅުނު ދިވެއްސަކު ހާޓް އެޓޭކެއް ޖެހިގެން ނިޔާވެއްޖެ

ނިމުނު އަހަރު މަސްވެރިންނަށް 927 މިލިޔަން ރުފިޔާ

މޯލްޑިވްސް އިންޓެލެކްޗުއަލް ޕްރޮޕަރޓީ އޮފީސް އުފައްދަވައިފި

އެމްއޭސީއެލްގެ އެއާޕޯޓްތަކުގެ ހިދުމަތުގެ ފެންވަރު ރަނގަޅު ކުރަން ގިނަ މަސައްކަތްތަަކެއް އެބަ ކުރަން: ޝަރީފް

ހެދުން އަޅާ ގޮތް ބަދަލުކުރުވަނީ ރައްޔިތުން ކޮންޓްރޯލް ކުރުމުގެ އެޖެންޑާއެއްގެއްގެ ދަށުން - ފައްޔާޒް

ސިފައިންނާއި ފުލުހުންނާއި ކަރެކްޝަނަށް 300 ފްލެޓް ހާއްސަކޮށް، 7900 ފްލެޓް ދޫކުރުމުގެ އުސޫލުތައް ގެޒެޓްކޮށްފި

އިލެކްޝަންސް ކޮމިޝަނުން ޓިކްޓޮކް މުބާރާތެއް އިޢުލާނުކޮށްފި: އިންތިޚާބުތަކަށް ހޭލުންތެރިކަން އިތުރުކުރުމަށް މަސައްކަތް

ކުޅުން ހުއްޓާލާނީ 1،000 ލަނޑު ހަމަކުރެވުމުން: ރޮނާލްޑޯ

ބަންގްލަދޭޝްގެ ފުރަތަމަ އަންހެން ބޮޑުވަޒީރު ހާލިދާ ޒިއާ އަވަހާރަވުމާއި ގުޅިގެން ރައީސް މުޢިއްޒު ތަޢުޒިޔާ ވިދާޅުވެއްޖެ

ބެލެނިވެރިންނަށް ފުލުހުންގެ އިލްތިމާސް: ދަރިން ރޭގަނޑު ގިނަ ވަގުތު ހޭދަކުރަނީ ކޮންބަޔަކާ އެކީތޯ ބަލާށޭ!

ރާއްޖޭގެ ހަ ސަރަހައްދެއްގައި ޔޫތް ހަބް ގާއިމު ކުރަނީ

ހިރިމަރަދޫ މީހުން ހަނިމާދޫއަށް ބަދަލުކުރާ ގަރާރު ރައީސް ނެރުއްވައިފި

ބޯކޮށް ވާރޭވެހޭނެ ކަމަށް ލަފާކޮށް އައްޑޫއާއި ފުވައްމުލަކަށް ހުދު ސަމާލު

ރަމަޟާންމަހު އުމްރާއަށްދާ ފަރާތްތަކުން ވެކްސިން ފުރިހަމަކޮށް ނިންމުމަށް އިލްތިމާސްކޮށްފި

އުމުރުން ދުވަސްވީ މީހުންނަށް ރަށްރަށުގައި ހާއްސަ މަރުކަޒުތަކެއް އަޅަނީ

ޑިމާންޑު ބޮޑުވެ، މޯލްޑިވިއަނުން ޖިއްދާއަށް އިތުރު ދަތުރުތަކެއް

މެރިން ހެޗަރީ ސްކިލްސް ޑިވެލޮޕްމަންޓް ޕްރޮގްރާމްގައި ބައިވެރިވުމުގެ ފުރުޞަތު ހުޅުވާލައިފި

ގޯއްޗާއި ފުލެޓަށް އެދުމުގެ ފުރުޞަތު އަންނަ ޖެނުއަރީ 15ގައި ހުޅުވާލަނީ

އާ އަހަރު ފެށުން ފާހަގަކުރުމަށް މާދަމާ ހަރަކާތްތައް ފަށަނީ: ޑްރޯން ޝޯއާ ހަވާއެރުވުން

ނޭޝަނަލް ސާވިސްގެ ފުރަތަމަ ބެޗް ދަސްވެނިވެއްޖެ: 344 ދަރިވަރުން ފާސްވި

Home Page Gallery Main

ރައީސުލްޖުމްހޫރިއްޔާ މަންދޫ ފުޓްސަލް ދަނޑު ހުޅުއްވާދެއްވުން

Home Page Gallery Cards

"ރައްޔިތުންނާއެކު ކުރިއަށް- ހަފްތާ 104 ފާހަގަކުރުމުގެ ރަސްމިއްޔާތު"

ޖުމްހޫރީ ދުވަހުގެ ރަސްމީ ޖަލްސާ 2025

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާބައިދޫއަށް ވަޑައިގަތުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މުންޑޫއަށް ވަޑައިގަތުން

home page placeholder ad two

homepage placeholder ad three

Latest Lifestyle Main

މަނަދޫ ފިޓްނަސް ސެންޓަރުގެ މަސައްކަތް ކުރިއަށް

Latest Lifestyle Side Cards

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ:  ފޭވަރިޓް ޗީޓް މީލް!!

ޤުރުއާން ކިޔެވުމުގެ ޤައުމީ މުބާރާތް: 

އުމްރާއަށް ގޮސް އުޅުނު ދިވެހި ފިރިހެނަކު ހާޓް އެޓޭކެއް ޖެހިގެން ނިޔާވެއްޖެއެވެ.

ނިޔާވެފައިވަނީ، އަލްމަނާސިކް ޖަމާޢަތުގެ ޙަވާލުގައި ޢުމްރާއަށް ދިޔަ ޢުމުރުން 60 އަހަރުގެ ފިރިހެނެކެވެ.

އަލް މަނާސިކް ގްރޫޕުން ބުނީ، އެހެން ދިވެހީންނާއެކު ސަޢުޔު ކުރުމުގެ ތެރޭގައި އުޅެނިކޮށް އޭނާ ވެއްޓިގެން ހޮސްޕިޓަލަށް ގެންދިޔަ ކަމަށެވެ. ހޮސްޕިޓަލާ ޙަވާލާދީ މަނާސިކް ގްރޫޕުން ބުނީ، އޭނާއަށް ހާޓް އެޓޭކެއް ޖެހިފައިވާ ކަމަށާއި، ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށެވެ.

އެގްރޫޕުން ބުނީ، ރޭފަތިސް ނަމާދަށްފަހު އޭނާގެ ޖަނާޒާ ބާއްވާފައިވާ ކަމަށެވެ.

ޢުމްރާގެ އަޅުކަން އަދާކުރުމަށް ސްކޫލު ބަންދާއި ދިމާކޮށް ގިނަ ބަޔަކު ޢާއިލާއާއެކު ދަތުރު ކުރަމުންދާއިރު، ޑިސެމްބަރު މަހުގެ ތެރޭގައި ރާއްޖެއިން 7000 އަށްވުރެ ގިނަ ދިވެހީން ވަނީ ޢުމްރާގެ އަޅުކަމަށް ގޮސްފައެވެ.

މިދިޔަ 2025 ވަނަ އަހަރު މަސްވެރިންނަށް 927 މިލިޔަނަށްވުރެ ގިނަ ރުފިޔާ ދޫކޮށްފައިވާކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ތަފާސްހިސާބުތަކުން ދައްކައިފިއެވެ.

ސަރުކާރުގެ މަސް ކުންފުނި، މިފްކޯއިން އާންމުކޮށްފައިވާ ހިސާބުތަކަށް ބަލާއިރު، މިދިޔަ އަހަރު އެ ކުންފުންޏަށް 58,000 އަށްވުރެ ގިނަ ޓަނުގެ މަސް ވަނީ ކިރުވާފައެވެ. މި މުއްދަތުގެ ތެރޭގައި މަސްވެރިންނަށް މުޅި ޖުމްލަ 927,867,656 (ނުވަސަތޭކަ ހަތާވީސް މިލިޔަން އަށްލައްކަ ފަސްދޮޅަސް ހަތްހާސް ހަސަތޭކަ ފަންސާސް ހަޔެއް) ރުފިޔާ ވަނީ ދޫކޮށްފައެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅާ އެއްގޮތަށް، މަސްވެރިން ކިރުވާ މަހަށް 48 ގަޑިއިރުގެ ތެރޭގައި މިހާރު ދަނީ ފައިސާ ދޫކުރަމުންނެވެ. މިފްކޯއިން މަޢުލޫމާތު ދޭ ގޮތުގައި، މި އައު އުސޫލުގެ ސަބަބުން މަސްވެރިކަމަށް ނުކުންނަ ދޯނިތަކުގެ އަދަދު ވަނީ އިތުރުވެފައެވެ.

ތަފާސްހިސާބުތަކުން ދައްކާގޮތުގައި އަހަރުގެ ތެރޭގައި އެންމެ ގިނަ އަދަދަކަށް ފައިސާ ދޫކޮށްފައިވަނީ ފެބުރުވަރީ މަހުއެވެ. އެ މަހު އެކަނިވެސް 138.9 މިލިޔަން ރުފިޔާ މަސްވެރިންނަށް ދޫކުރިއެވެ.

2025 ވަނަ އަހަރު މަސްވެރިންނަށް ފައިސާ ދޫކުރި ތަފްސީލު:

ނިމިދިޔަ 2025 ވަނަ އަހަރަކީ މަސްވެރިކަމުގެ ސިނާޢަތް ކުރިއެރުވުމަށް ސަރުކާރުން ހަރުދަނާ ފިޔަވަޅުތަކެއް އެޅި އަހަރެކެވެ. އެގޮތުން، މިފްކޯއިން މަސް ގަންނަ އަގު 16 ރުފިޔާއަށް ބޮޑުކޮށް، މަސްވެރިންނަށް ވިއްކާ ތެލުގެ އަގު 13 ރުފިޔާއަށް ވަނީ ހެޔޮކޮށްފައެވެ.

މީގެއިތުރުން، ރާއްޖޭގައި މަސް ރައްކާކުރުމުގެ ޤާބިލުކަން ދެގުނަ ކުރުމާއި، މަސް ޕްރޮސެސިންގ ފެސިލިޓީތައް ތަރައްޤީކުރުމުގެ މަސައްކަތް ސަރުކާރުން ދަނީ ބާރުގަދަ ދުވެއްޔެއްގައި ކުރަމުންނެވެ. ސަރުކާރުގެ މައިގަނޑު އަމާޒަކީ މަސްވެރިކަމުގެ ސިނާޢަތް ސިންދަފާތުކޮށް، މިއީ ރާއްޖެއަށް އެންމެ ބޮޑު އާމްދަނީއެއް ލިބޭ ސިނާޢަތަށް ހެދުމެވެ.

ދިވެހިރާއްޖޭގައި ފިކުރީ މުދާ ހިމާޔަތްކޮށް ކުރިއެރުވުމަށްޓަކައި ހަރުދަނާ ނިޒާމެއް ގާއިމުކުރުމުގެ މަގުސަދުގައި، "މޯލްޑިވްސް އިންޓެލެކްޗުއަލް ޕްރޮޕަރޓީ އޮފީސް" ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު އުފައްދަވައިފިއެވެ.

މި އިދާރާއަކީ މޯލްޑިވްސް އިންޓެލެކްޗުއަލް ޕްރޮޕަރޓީގެ ގާނޫނުގެ ދަށުން އުފެއްދެވި ތަނެކެވެ. ރައީސުލްޖުމްހޫރިއްޔާ ވަނީ މި އޮފީހަކީ މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް (އިޤްތިޞާދީ ތަރައްޤީއާ ވިޔަފާރިއާބެހޭ ވުޒާރާ) ގެ ދަށުން ހިނގަމުންދާ ތަނެއްގެ ގޮތުގައި ހަމަޖައްސަވާފައެވެ.

މޯލްޑިވްސް އިންޓެލެކްޗުއަލް ޕްރޮޕަރޓީ ބިލު ރައީސުލްޖުމްހޫރިއްޔާ ތަސްދީޤުކުރެއްވީ 25 އޮގަސްޓް 2025 ގައެވެ. އަދި މިއަދުން ފެށިގެން މި ގާނޫނަށް ވަނީ އަމަލުކުރަން ފަށާފައެވެ. މި ގާނޫނުގެ މައިގަނޑު ބޭނުމަކީ ރާއްޖޭގައި ފިކުރީ މުދާ ހިމާޔަތްކުރެވޭނެ ނިޒާމެއް ގާއިމުކޮށް، ވިޔަފާރީގެ ދާއިރާގައި ފަންނުވެރިކަމާއި އައު އީޖާދުތަކަށް ހިތްވަރުދީ، ގައުމުގެ އިގްތިސާދީ ތަރައްގީއަށް މަގުފަހިކުރުމެވެ.

ގާނޫނުގައި ބަޔާންކޮށްފައިވާ ގޮތުން، މި އޮފީހުގެ ކަންކަން ބަލަހައްޓާނީ އިގްތިސާދީ ސިޔާސަތުތައް ތަންފީޒުކުރުމުގެ މަސްއޫލިއްޔަތު ހަވާލުކޮށްފައިވާ ވުޒާރާއަކުންނެވެ. އަދި އޮފީސް ހިންގުމުގެ އެންމެ އިސް ފަރާތަކީ "ރަޖިސްޓްރާރ އޮފް އިންޓެލެކްޗުއަލް ޕްރޮޕަރޓީ" އެވެ.

މި ގާނޫނުގައި ރަޖިސްޓްރާރ އައްޔަނުކުރުމާއި ވަކިކުރުމުގެ އުސޫލުތަކާއި، އެ ފަރާތުގެ ޝަރުތުތަކާއި މަސްއޫލިއްޔަތުތަކުގެ އިތުރުން، އޮފީހުގެ އިދާރީ މުވައްޒަފުންނާ ގުޅޭ ތަފްސީލުތައް ބަޔާންކޮށްފައިވެއެވެ. މީގެ އިތުރުން، ފިކުރީ މުދަލުގެ ރަޖިސްޓްރީ ބެލެހެއްޓުމާއި، އެއާ ގުޅޭ އެންމެހައި ގަވާއިދުތައް ތަންފީޒުކުރުމުގެ ބާރުވެސް މި އޮފީހަށް ވަނީ ލިބިދީފައެވެ.

މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ދަށުން ހިންގަމުންދާ ހުރިހާ އެއާޕޯޓްތަކެއްގެ ހިދުމަތުގެ ފެންވަރު މަތިކުރުމަށްޓަކައި ގިނަގުނަ މަސައްކަތްތަކެއް ކުރަމުންދާ ކަމަށް އެ ކުންފުނީގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ވިދާޅުވެއްޖެއެވެ.

އާ އަހަރުގެ މުނާސަބަތުގައި ފޮނުއްވި ތަހުނިޔާގެ މެސެޖުގައި ޝަރީފް ވިދާޅުވީ، ނިމިދިޔަ އަހަރަކީ އެމްއޭސީއެލްއަށް ވަރަށް ކާމިޔާބު އަހަރެއް ކަމަށެވެ. އަދި ޒަމާނީ ވަސީލަތްތަކާއެކު ދިވެހި ރައްޔިތުންނަށާއި ފަސިންޖަރުންނަށް ދެމުންދާ ހިދުމަތްތައް އަވަސްކޮށް، ހަރުދަނާ ކުރުމަށްޓަކައި ގިނަ މަސައްކަތްތަކެއް މިދިޔަ އަހަރު ކުރެވިފައިވާކަން އޭނާ ފާހަގަކުރެއްވިއެވެ.

މިގޮތުން އެއާޕޯޓްތަކުގެ ތަރައްގީއަށް ކުރެވޭ މަސައްކަތްތަކަށް އަލިއަޅުއްވާލައްވަމުން ޝަރީފް ވިދާޅުވީ، "2025 ވަނަ އަަހަރަށް އަލްވަދާއު ކިޔަނީ ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލް ހުޅުވި ހުރިހާ އެއާލައިންތަކެއް އެތަނަށް ބަދަލުވެ ހިދުމަތް ދޭން ފެށުމާއި އެކު، އަދި ހަނިމާދޫ އިންޓަނޭޝަނަލް އެއަޕޯޓް ހުޅުވި ގިނަ ވަސީލަތްތަކާއެކު ހިދުމަތް ދޭން ފެށިފައިވުމާއެކު،" ކަމަށެވެ.

ޝަރީފް އިތުރަށް ވިދާޅުވީ، އެމްއޭސީއެލްގެ ދަށުން ހިންގާ ހުރިހާ އެއާޕޯޓްތަކެއްގެ ހިދުމަތުގެ ފެންވަރު ރަނގަޅު ކުރުމަކީ ކުންފުނީގެ މުހިންމު އަމާޒެއް ކަމަށެވެ. އަދި ފެށުނު 2026 ވަނަ އަހަރަކީ މިއަށްވުރެ ކާމިޔާބު އަހަރަކަށް ހެދުމަށްޓަކައި ކުންފުނީގެ ހުރިހާ މުވައްޒަފުންގެ އެއްބަރުލުމާއި އެހީތެރިކަން ލިބޭނެ ކަމާމެދު ޝައްކެއް ނުކުރައްވާ ކަމަށްވެސް އޭނާ ވިދާޅުވިއެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ރާއްޖޭގެ ވައިގެ ބަނދަރުތައް ތަރައްގީކޮށް، ހިދުމަތުގެ ފެންވަރު މަތިކުރުމަށް ދެއްވާ އަހަންމިއްޔަތުކަމުގެ ދަށުން، އެމްއޭސީއެލްއިން އަންނަނީ އެއާޕޯޓްތަކުގެ އޮޕަރޭޝަންތައް އިތުރަށް ފުޅާކޮށް ހަރުދަނާކުރަމުންނެވެ.

ސަރުކާރުގެ އޮފީސްތަކުގައި މަސައްކަތްކުރާ ސިވިލް ސަރވިސް މުވައްޒަފުން ހެދުން އެޅުމާ ގުޅޭ ގަވާއިދު އިސްލާހުކުރުމުން އެމްޑީޕީގެ ޗެއާޕާސަން ފައްޔާޒް އިސްމާޢީލް އެކަމާ ނުރުހުން ފާޅުކުރައްވައިފިއެވެ.

ސިވިލް ސަރވިސް ކޮމިޝަނުން މިއަދު ނެރުނު އިސްލާހުގައި ވަނީ މުވައްޒަފުން ހެދުން އެޅުމާ ގުޅޭ މާއްދާއަށް ބަދަލު ގެނެސްފައެވެ. އޭގައި ބުނެފައި ވަނީ، އަންހެން މުވައްޒަފުންގެ ހެދުމުގެ ގޮތުގައި ދިގު ހެދުން ނުވަތަ ދިވެހި ލިބާސް ނުވަތަ އޮފީސް ހެދުން ބޭނުންކުރެވިދާނެ ކަމަށެވެ. އެފަދަ ހެދުންތައް ހުންނަންވާނީ ފައިގެ ތަނބިކަށްޓަށްވުރެ ކުރުނުވާ ގޮތަށް ކަމަށާއި އޮފީހުގެ މާހައުލާ ގުޅޭ ފޮއްޗަކުން ތައްޔާރުކޮށްފައިވާ ހެދުމަކަށް ވެސް ވާންޖެހޭނެކަމަށް ބުނެފައިވެއެވެ.

ހެދުމުގެ މަތީބައި، ގަމީސް އަދި ސޫޓު ޖެކެޓުގެ މަތީބައިގެ އަރިމަތިން، ކުރިމަތިން، ފުރަގަހުން އަދި ތިރިން ފަޅާފައި ހުންނަ ނަމަ، ފަޅާފައި ހުންނަ ބައި ހުންނަންވާނީ މައްޗަށް އަތް ދަމާލީމާ އުނަގަނޑުން ތިރީބަޔާއި އުނަގަނޑުން މަތީބަޔާ ދެމެދުން ހަށިގަނޑުގެ އެއްވެސް ތަނެއް ނުފެންނަ ވަރަށް ކަމަށް ވެސް އޭގައި ބުނެފައިވެއެވެ.

މީގެއިތުރުން، މިފަދަ ހެދުންތަކުގެ ދިގުމިން ހުންނަންވާނީ ބުޑުގެތިރީ ކައިރިން ފެށިގެން މައްޗަށް ދެ އިންޗިއަށްވުރެ ކުރު ނުވާ ވަރަށް ކަމަށް ވެސް ގަވައިދުގައި ބުނެފައިވެއެވެ.

ސިވިލް ސަރވިސްގައި މަސައްކަތް ކުރާ ފިރިހެން މުވައްޒަފުން ރަސްމީ މަސައްކަތުގައި ތިބެންވާނީ ގަމީހާއި ފަޓުލޫނު، ޓައި އަދި އޮފީސް ބޫޓުގައި ކަމަށް ވަނީ ބަޔާންކޮށްފައެވެ. ގަމީހުގެ ގޮތުގައި އަތްދިގު ނުވަތަ އަތްކުރު ގަމީހާއި ބުސް ގަމީސް ބޭނުންކުރެވިދާނެ ކަމަށާއި ބެގީ ބަހައްޓަން ވީގޮތާއި ގަހަނާގެ ގޮތުގައި އަނގޮޓިއެއް ފިޔަވައި އިތުރު އެއްޗެއް ނޭޅޭނެކަންވެސް އިސްލާހުގައި ވަނީ ބަޔާންކޮށްފައެވެ.

މިކަމާ ގުޅިގެން އެކްސްގައި ކުރެއްވި ޕޯސްޓެއްގައި ފައްޔާޒް ވިދާޅުވީ، ސިވިލް ސާވިސް ގަވާއިދު ބަދަލުކޮށް މުވައްޒަފުން ހެދުން އަޅާ ގޮތް ބަދަލުކުރުވަނީ ރައްޔިތުން ކޮންޓްރޯލް ކުރުމުގެ އެޖެންޑާއެއްގެ ގޮތުން ކަމަށެވެ.

"ވެރިކަމާ ހަވާލުވެ ހުރިހާ ކަމެއް ކުރަމުން ދަނީ ހުދުމުހުތާރުކަން ދައްކައި ރައްޔިތުންގެ މައްޗަށް ވެރިވެގަތުމަށް. ސިވިލް ސާވިސް ގަވާއިދު ބަދަލުކޮށް މުވައްޒަފުން ހެދުން  ބަދަލުކުރުވަނީ ރައްޔިތުން ކޮންޓްރޯލް ކުރުމުގެ އެޖެންޑާއެއްގެ ދަށުން. ސިވިލް ސާވިސްގެ ހެދުން އެޅުމުގައި މައްސަލައެއް އޮވެގެނެއް ނޫން. ބޭނުމަކީ ރައްޔިތުންގެ ޒާތީ ދިރިއުޅުމުގެ ހުރިހާ ކަމެއް މުއިއްޒުގެ ބާރުގެ ދަށަށް ގެނެސް ގާނޫނުއަސާސީން ކޮންމެ ދިވެހި ރައްޔިތަކަށްމެ ލިބިދޭ ޒާތީ މިނިވަންކަން ފޭރިގަތުން. ރައްޔިތުންނަކީ ތަންދޮރުނުދަންނަ ގަމާރު ބައެއް ކަމަށް ދެކިގެން އެ މީހުންގެ ޒާތީ ކަންކަމާ ބެހި އޮބިހެއްޓޭނެ ކަމަށް ދެކިގެން ނުވާނެ. ގާނޫނުއަސާސީއިން ކަށަވަރުކޮށްދޭ ހިޔާލާއި ފިކުރާއި ޒާތީ ދިރިއުޅުމުގެ މިނިވަންކަން ދިވެހިންނަށް މާ މުހިންމު." ފައްޔާޒް ވިދާޅުވިއެވެ.

ފައްޔާޒް މިހެން ވިދާޅުވި ނަމަވެސް، ސިވިލް ސަރވިސް މުވައްޒަފުން ހެދުން އެޅުމުގެ މިންގަނޑުތައް ފަހަކަށް އައިސް އިޖުތިމާޢީ މިންގަނޑަށްވުރެ ދަށްވެފައިވާ ކަމުގެ ޝަކުވާތައް ގިނަ ބަޔަކު ވަނީ ސަރުކާރާ ހިއްސާކޮށްފައެވެ. މި ޝަކުވާތަކާ ގުޅިގެން އެ މުވައްޒަފުން ހެދުން އެޅުމުގެ ގަވާއިދު އިސްލާހު ކުރުމަށް ސިވިލް ސަރވިސް ކޮމިޝަނަށް ދަންނަވާފައިވާކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާން ކުރެއްވީ ހ ހުޅުމާލެ ފުރަތަމަ ފިޔަވަހީގެ ރައްޔިތުންނާ ބައްދަލުކުރެއްވި ރަސްމިއްޔާތެއްގައެވެ.

ސިވިލް ސަރވިސް ކޮމިޝަނުން މިކަމާ ގުޅޭގޮތުން ވަކި ބަޔާނެއް ނެރެފައި ނުވިނަމަވެސް، ސަރުކާރުގެ ފަރާތުން ބުނެފައިވަނީ މި އިސްލާހަކީ ސަރުކާރުގެ އޮފީސްތަކުގައި ރަސްމީ މާހައުލާ އެކަށީގެންވާ ހެދުން އެޅުމުގެ ސަޤާފަތް އަލުން ދިރުވުމަށް ގެނެވޭ ބަދަލެއް ކަމަށެވެ.

ސިވިލް ސަރވިސްގެ މުވައްޒަފުންގެ ހެދުން އެޅުމުގެ ގަވާއިދަށް މިފަދަ ބަދަލެއް ގެނައުމަކީ ރައްޔިތުންގެ ޒާތީ މިނިވަންކަމަށް އަރައިގަތުމެއް ކަމަށް ފައްޔާޒް ވިދާޅުވި ނަމަވެސް، ސަރުކާރުގެ ފަރާތުން ބުނަނީ މިއީ ދައުލަތުގެ މުއައްސަސާތަކުގެ ރަސްމީކަން ދެމެހެއްޓުމަށާއި އިސްލާމީ އަދި ދިވެހި އާދަކާދައާ އެއްގޮތަށް ހެދުން އެޅުމުގެ ސަޤާފަތް ކުރިއެރުވުމަށް އެޅޭ ފިޔަވަޅެއް ކަމަށެވެ.

ނިމުނު އަހަރު މަސްވެރިންނަށް 927 މިލިޔަން ރުފިޔާ

މޯލްޑިވްސް އިންޓެލެކްޗުއަލް ޕްރޮޕަރޓީ އޮފީސް އުފައްދަވައިފި

އެމްއޭސީއެލްގެ އެއާޕޯޓްތަކުގެ ހިދުމަތުގެ ފެންވަރު ރަނގަޅު ކުރަން ގިނަ މަސައްކަތްތަަކެއް އެބަ ކުރަން: ޝަރީފް

ފަހުގެ ޚަބަރު

އުމްރާއަށް ގޮސް އުޅުނު ދިވެއްސަކު ހާޓް އެޓޭކެއް ޖެހިގެން ނިޔާވެއްޖެ

ނިމުނު އަހަރު މަސްވެރިންނަށް 927 މިލިޔަން ރުފިޔާ

މޯލްޑިވްސް އިންޓެލެކްޗުއަލް ޕްރޮޕަރޓީ އޮފީސް އުފައްދަވައިފި

އެމްއޭސީއެލްގެ އެއާޕޯޓްތަކުގެ ހިދުމަތުގެ ފެންވަރު ރަނގަޅު ކުރަން ގިނަ މަސައްކަތްތަަކެއް އެބަ ކުރަން: ޝަރީފް

ހެދުން އަޅާ ގޮތް ބަދަލުކުރުވަނީ ރައްޔިތުން ކޮންޓްރޯލް ކުރުމުގެ އެޖެންޑާއެއްގެއްގެ ދަށުން - ފައްޔާޒް

ލައިފްސްޓައިލް

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ: ފޭވަރިޓް ޗީޓް މީލް!!

ޤުރުއާން ކިޔެވުމުގެ ޤައުމީ މުބާރާތް:

މަނަދޫ ފިޓްނަސް ސެންޓަރުގެ މަސައްކަތް ކުރިއަށް

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ގެލެރީ

ރައީސުލްޖުމްހޫރިއްޔާ މަންދޫ ފުޓްސަލް ދަނޑު ހުޅުއްވާދެއްވުން

"ރައްޔިތުންނާއެކު ކުރިއަށް- ހަފްތާ 104 ފާހަގަކުރުމުގެ ރަސްމިއްޔާތު"

ޖުމްހޫރީ ދުވަހުގެ ރަސްމީ ޖަލްސާ 2025

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މާބައިދޫއަށް ވަޑައިގަތުން

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ލ. މުންޑޫއަށް ވަޑައިގަތުން